Ո՛Չ ՊԱՏՐԱՍՏԻ ՁԵՎԱԹՂԹԻՆ

Մասնագիտական ուղիս սկսել եմ որպես իրավական ոլորտը լուսաբանող լրագրող՝ աշխատելով լրատվական կայքերում և հեռուստատեսությունում։ Այդ տարիներից մնացած կարևոր սկզբունքը՝ պատմություններում ճիշտ «մեխը» գտնելն է, որն ընկած է հետագայում իմ ամբողջ աշխատանքի հիմքում։

Ավելի քան 6 տարի ղեկավարել եմ Հայաստանի Մարդու իրավունքների պաշտպանի աշխատակազմի հանրային կապերի բաժինը՝ զարգացնելով հաստատության հանրային վարկանիշը և Պաշտպանի անձնական բրենդը դարձնելով վստահելի ու ճանաչելի։ Այդ ընթացքում սկսել եմ համատեղ աշխատել ու նաև խորհրդատվություն տրամադրել Հայաստանում գործող միջազգային կազմակերպությունների հաղորդակցության և իրազեկման ծրագրերի համար՝ ներառյալ UNFPA-ն, UNDP-ն, USAID-ը, Հայաստանում ԱՄՆ դեսպանությունը, Եվրոպական միությունը, Եվրոպայի խորհուրդը և UNICEF-ը։

Մասնագիտացել եմ կանանց, երեխաների ու հաշմանդամություն ունեցող անձանց հետ կապված կարծրատիպերի հաղթահարման ու լուսաբանման հարցերում, և այս համագործակցությունները շարունակվել են նաև հետագայում։ Այնուհետև աշխատել եմ իրավաբանական ընկերությունում բրենդի զարգացման ուղղությամբ։ Ունեմ նաև քաղաքական ընտրարշավի ղեկավարման ու իրականացման փորձ։

Այս տարիների փորձն այսօր դարձել է PRAXIS-ի ստեղծման հիմքը՝ պրակտիկա, որը կառուցված է այն համոզմունքի վրա, որ առանց ռազմավարության հաղորդակցությունը ձախողված է։ Յուրաքանչյուր մարտահրավեր տարբեր է։ Ռազմավարությունը՝ նույնպես։